Home Top News and Stories Philippines News Headline Aklanon News: Resolusyon sa pagsuporta sa Anti-Terrorism Act gin-aprobahan it PPOC

Aklanon News: Resolusyon sa pagsuporta sa Anti-Terrorism Act gin-aprobahan it PPOC

0
   

Aklanon News: Resolusyon sa pagsuporta sa Anti-Terrorism Act gin-aprobahan it PPOC

KALIBO, Aklan, Hunyo 27 (PIA) —  Gin-aprobahan it Provincial Peace and Order Council (PPOC) sa meeting kara sa ikaywang Quarter ro resolusyon nga nagapaabot it suporta sa pagpasar it Anti-Terrorism Act of 2020.

Ro resolusyon hay gin aprobahan sa mosyon ni Aklan Police Provincial Officer OIC Provincial Director Col Esmeraldo P. Osia, Jr. ag gin segundahan ni Provincial Planning and Development Office (PPDO) Cooordinator nga si Engr. Roger M. Esto.

Nakasaad sa resolusyon nga ro Senate Bill 1083 hay gin aprobahan ku Pebrero 26, 200 samtang ro House of Representatives hay nag aprobar it House Bill 6875, nga pareho nga may probisyon it Anti-Terrorism Act of 2020 sa pag amyendar sa Human Security Act of 2007, sa tuyo nga paungkaton ro kaeakasan nga daea it terorismo ag mabantayan ro ikamayad it mga pumueuyo kontra sa mga terorista ag mga kriminal sa nasyon.

Ginpaathag man it resolusyon nga ro seguridad hay importante gid sa probinsya ag kon may makara nga laye, sigurado nga ro mga pumueuyo hay protektado kontra sa impluwensya it mga maeain nga element ag makabulig sa pangmabuhayan nga katawhay agud mag umwad ro mga kabanwahunan.

Importante man ro pagpasar it laye sa pagsiguro it katawhayan ag kalinong bukon eamang sa probinsya kundi sa nasyon man.

Ginpaathag man it PPOC nga sambilog sa mga obligasyon it PPOC hay ro pagrekomendar it mga kinahangeanon nga aksyon para sa pag improbar ag pagpatuman  it katawhayan pati eon ro pagkontra sa insurhensiya sa hurisdiksyon it Aklan, ngani kinahangean gid ro resolusyon sa pagsuporta sa Anti-Terrorism Act.

Gin sertipikahan nga tama ro ginpresentar nga resolusyon ni DILG-Aklan Provincial Director Carmelo F. Orbista, sa pag atestar ni Governor Florencio T. Miraflores, PPOC Chairperson ag Presiding Officer.

Ginhiwat ro meeting sa Conference Room it Provincial Governor’s Office sa ikaywang panaegan it Capitol Building.

Samtang, sa pagsunod sa COVID-19 health protocols kapin eon ro social distancing, ro pilang miyembro it konseho hay nag atender it meeting paagi sa Zoom. (JSC/VGV/PIA6 Aklan)

   

Follow us on Instagram

[instagram-feed]