Home Top News and Stories Philippines News Headline Cebuano News: 40 sa 47 ka lungsod sa Bohol, wala nay aktibong kaso sa COVID-19

Cebuano News: 40 sa 47 ka lungsod sa Bohol, wala nay aktibong kaso sa COVID-19

0
   

Cebuano News: 40 sa 47 ka lungsod sa Bohol, wala nay aktibong kaso sa COVID-19

Sukad Enero 12, 2021 ang lalawigan sa Bohol adunay kinatibuk-ang 817 ka natalang kaso sa COVID-19 diin 14 ang aktibong kaso, 785 ang nangaayo na ug 18 ang namatay. (ecb/PIA7-Bohol)

TAGBILARAN CITY, Jan. 12 (PIA) — Wala nay natalang bag-ong aktibong kaso sa COVID-19 sa 40 sa 47 ka lungsod sa lalawigan sa Bohol.

Kini base na gipagawas nga datos sa Bohol Inter-Agency Task Force (BIATF) Martes, Enero 12, 2021.

Base sa datos, ang syudad sa Tagbilaran lamang ug ang mga lungsod sa Alburquerque, Dauis, Candijay, Panglao, San Miguel ug Ubay ang nagpabiling adunay aktibong kaso sa COVID-19.

May 14 ka indibidwal sa tibuok lalawigan ang nagpabiling infected sa Sars-CoV-2, ang virus nga hinungdan sa COVID-19.

Lima niining mga kaso ang local transmissions.

Ang nagpabiling 9 mga locally stranded individuals (LSI), returning overseas Filipinos (ROF) ug authorized personnel outside of residence (APOR).

Tungod niining kalamboan, ang Bohol nagpabiling “low-risk” nga lalawigan kalabot sa pagkatap sa makatakod nga sakit.

Niadtong Lunes, Enero 11, 2021, sa gipahigayong Virtual Presscon sa Kapitolyo, ang tigpamaba sa BIATF nga si Dr. Cesar Tomas Lopez miingon nga ang hugot nga pagsunod sa publiko sa mga gitakdang health safety measures maoy nakaingon sa paghinay sa transmission sa virus.

“I would like to congratulate the people of Bohol, labina na g’yud ang atong mga frontliners, ang mga nagduma sa atong tagsa-tagsa ka lungsod ug syudad sa gipakita nato na suporta ug pag sanong sa mga protocol,” matud pa ni Lopez.

Sukad Enero 12, 2021 ang lalawigan sa Bohol adunay kinatibuk-ang 817 ka natalang kaso sa COVID-19 diin 14 ang aktibong kaso, 785 ang nangaayo na ug 18 ang namatay. (ecb/PIA7-Bohol)