Home Top News and Stories Philippines News Headline Cebuano News: IP observance gigahinan og 3 ka adlaw sa Buenavista

Cebuano News: IP observance gigahinan og 3 ka adlaw sa Buenavista

0
   

Cebuano News: IP observance gigahinan og 3 ka adlaw sa Buenavista

DAKBAYAN SA BUTUAN, Abril 28 — Ang pagyukbo sa mga Indigenous Peoples’ (IP) sa lungsod sa Buenavista gihatagan og dakong pagtagad sa mga lokal nga opisyal ug gi-deklara ang katapusang adlaw sa Miyerkules, Huebes ug Byernes sa bulan sa Oktobre isip Indigenous Peoples observance atol sa selebrasyon sa National Indigenous Peoples Month.

Kini ang mando ubos sa Municipal No. 08-2021 nga gikan sa lungsod sa Buenavista, nga gi-aprubahan sa Sangguniang Panlalawigan ug gi-deklara nga balido pinaagi sa Sanggunian Resolution No. 198-2021.

Pinaagi sa maong ordinansa, sa pagpangamahanan ni Sangguniang Bayan Member Rolando S. Lanapan, gipalig-on niini ang adlaw alang sa mga lumad gitunong sa bulan sa Oktubre.

Usa kini ka mahinungdanon nga adlaw alang sa tanan nga mga IP sa tibuuk nga nasud. Ingon man subay kini sa implementasyon sa IPRA law of 1997, ug pag-ila sa kamahinungdanon sa Indegenous Cultural Community.

Adlaw kini sa mga lumad aron ipakita ang ilang kultura ug tradisyon nga adunay dakong pagtahod sa pag-apil sa komunidad sa IP ngadto sa pagsulong sa mga kinabuhi, ug socio-culture development sa usa ka komunidad.

Ang katuyoan sa municipal ordinance aron mapalig-on ang pagpatuman sa balaod sa IPRA ug pag-ila sa kahinungdanon sa mga komunidad nga kulturanhon sa mga Katawhan.

Ang maong lakang nahisubay usab sa Presidential Proclaim No. 486, nga nagdeklara kaniadtong Oktubre 29 nga ingon usa ka National Indigenous People Thanksgiving Day agig suporta sa pagpatuman sa IPRA Law ug sa pag-ila sa kahinungdanon sa mga Indibidwal nga Komunidad sa Kultura.

Gi-aprobahan ang Sanggunian Resolution No. 198-2021, sa pagpanginahan ni Provincial Board Member Meriam G. Pagaran,  tsirman sa Committee on Municipal Affairs atol sa ika-86th regular session niadtong Abril 23, 2021. (Jessica O. Mellejor, LGU Agusan del Norte/PIA Agusan del Norte)