Home Top News and Stories Philippines News Headline Cebuano News: P30K computer loan sa GSIS, gi-uswag taman katapusan ning tuig

Cebuano News: P30K computer loan sa GSIS, gi-uswag taman katapusan ning tuig

0
   

Cebuano News: P30K computer loan sa GSIS, gi-uswag taman katapusan ning tuig

TAGBILARAN CITY, May 12 (PIA) — Gipahibalo sa Government Service Insurance System (GSIS) nga ang application deadline alang sa gitanyag nilang computer loan program gi-uswag hangtod sa Disyembre 31 ning tuig.

Sa pahayag nga gipagawas ni GSIS President ug General Manager Rolando Macasaet, tuyo sa programa nga matabangan ang mga kawani sa gobyerno nga makapalit og computer unit alang sa ilang work from home.

Mahimo usab nga ang pagpalit og computer unit alang sa online classes sa anak sa empleyado sa gobyerno.

Ubos sa programa, ang usa  ka miyembro mahimong maka-utang og hangtod P30,000 nga bayaran sulod sa tulo ka tuig ug may interes kini nga unom ka porsiyento matag tuig.

Kantidad sa P983.33 matag buwan ang bayran nga utang sa miyembro nga mopahimos niining programa.

Ang mga kuwalipikado sa computer loan mao ang mga aktibong miyembro nga nakabayad na og hangtod tulo  ka buwan nga kontribusyon, regular sa posisyon, wala naka-leave without pay, ug walay kasong administratibo ug kriminal.

Apil usab ang mga walay utang sa GSIS Financial Assistance Loan ug wala pa’y ubang utang sa GSIS gawas sa housing loan. (ecb/PIA7-Bohol)