Home Top News and Stories Philippines News Headline Tagalog News: BARMM nakatanggap ng PPEs, tents, medical supplies mula sa UNHCR

Tagalog News: BARMM nakatanggap ng PPEs, tents, medical supplies mula sa UNHCR

0
   

Tagalog News: BARMM nakatanggap ng PPEs, tents, medical supplies mula sa UNHCR

LUNGSOD NG COTABATO, Hunyo 29 (PIA)—Nakatanggap kamakailan ng mga Personal Protective Equipment (PPE), tents, at medical supplies ang Bangsamoro Autonomous Region in Muslim Mindanao (BARMM) mula sa United Nations High Commissioner for Refugees (UNHCR).

Dinaluhan ni BARMM Chief Minister Ahod ‘Al Haj Murad’ Ebrahim ang turn-over ceremony ng mga nasabing kagamitan kung saan lumagda ito sa mga dokumento mula kay Sapia Taulani, Senior Protection Associate ng UNHCR.

Kabilang sa mga ipinamahagi ay 100 plastic tarpaulins (with eyelets, fire retardant 4X5m), 1,110 pirasong N95 masks, 1,110 pirasong patient care gloves, 3,000 pirasong surgical caps, 3,000 pirasong shoe covers, 500 karton ng medical masks, at 4,740 pirasong face shields.

Sa kanyang pahayag, binigyang-diin ni Ebrahim ang kahalagahan ng tulong at suporta ng donor communities, national government, at iba pang United Nation agencies upang malabanan ang pagkalat ng coronavirus disease 2019 sa rehiyon.

Sinabi din niya na malaking tulong ang mga nasabing donasyon ng UNHCR. Ilan sa mga ito ay gagamitin para sa mga Returning Overseas Filipino (ROF) at Locally Stranded Individual (LSI) sa rehiyon.

Siniguro naman ni Taulani na magpapatuloy ang matibay na samahan ng UNHCR sa rehiyon ng Bangsamoro. (With reports from BPI-BARMM).

   

Follow us on Instagram

[instagram-feed]